Luciani Distribuzioni a “voci è via” di u bislinguismu

Luciani Distribuzioni a “voci è via” di u bislinguismu

L’impresa di distribuzioni Luciani hè a prima PME à aduttà a “cartula di a lingua Corsa”.

logoUn’uchjata à a cartula ! 

 Zifrata di ghjunghju di u 2015, a cartula di a lingua corsa ingagia à Luciani Distribuzioni à fà opara à prò di a lingua corsa cù azzioni pricisi. L’uparazioni hè stata pussibuli par via di i fundi propii di a impresa, è cù i co-finanzamenti di l’ADEC è di l’OPCA (invistimenti matiriali è imatiriali).

U prisidenti di l’ADEC Ghjuvan’Cristofanu Angelini è Saveriu Luciani, Cunsiglieri Esecutivu incaricatu di a lingua corsa, si sò resi à u capilocu di a impresa in cor’di marzu è ani salutatu u sviluppu è a prumuzioni di a lingua corsa chì sò in cori à a impresa Luciani Distribuzioni.

Luciani Distribuzioni, hè in prima un ingagiamentu veru !

 Photorealistic Magazine MockUpUn travaddu tamantonu hè statu avviatu da metta in piazza, à nantu à u tarrenu, i mezi nicissarii à a salvezza, a valurisazioni è a sparghjera di u corsu. Un annu di travaddu accanitu da rinfurzà a so prisenza, a so visibilità, in l’usi di a vita publica è privata di a impresa.

Hè tistimugnanza di a vulintà di Luciani Distribuzioni d’arricà a so acqua à u mulinu di a cursufunia.

Hè ciò ch’iddu spieca Stefanu Luciani in a so intirvista « 5 quistioni à… » data à u ghjurnalettu In Corsica -isciutu di marzu di u 2016.

A lingua Corsa camparà !

Aprudà a lingua corsa in cori di a noscia impresa – ci passemu circa 60 % di u nosciu tempu – ùn hè militantismu, hè attu di salvezza!

 Quì a noscia lingua campa, ùn ci hè livedda, à u cuntrariu ! I più avanzati imparani à i principianti. L’ughjittivu hè di francà si di a privazioni, d’issa vargugna chì l’impiigati i più debbuli risentini à u cuntattu d’issi « cunfirmati » chì ammaistrighjani più o menu u corsu.

« Hè una surpresa è un piaceri di senta i me impiigati chjamà si in corsu, in i curridori di a impresa » pricisa Stefanu Luciani, girenti di Luciani Distribuzioni.

Quì, hè unu scambiu, spezia di un’imparera in famidda induva ugnunu dici a soia, si sbaglia, senza essa ghjudicatu o à a risa. Eccu, dipoi un annu, u stintu spartutu, a menti cumuna di Luciani Distribuzioni. Issa filusuffia rispira è campa ugni ghjornu in cori à a noscia impresa.

Cusì, hè incù gioia è fiertà chì a noscia uparatrici teleffonica, Sandrina Caruana, hà pussutu risponda in corsu à un clienti tarrucconu. Idda chì ùn aprudaia parolla à a so ghjunta, qualchì mesi fà ! Hè incù un beddu piaceri chì no’ l’emu intesa tena a so discursata, fiera è assicurata, incù issu patriottu bislinguu.

Allora  un -«  Bonghjornu o madamicella possu parlà cù u serviziu di cumanda ?

– Iè sicura! Aspitteti una stonda par piacè !

– Vi ringraziu

– Una bedda ghjurnata à voi ! Hè à veru un eserciziu pà i non cursofuni, un passuchju versu u bislinguismu, ma una vera prova à u principiu ! È un piaceri strada facendu.

Fendu campà a noscia lingua rindimu umaghju à a noscia Corsica. Piddemu cuscenza di a ricchezza di a noscia cultura inavanzendu ugni ghjornu, semu fieri di perpetuà a noscia redita.

Un suppulu di Rock’n Roll !

HYGIENEDISCOUNTAvvià un prughjettu simuli dumanda un pocu di riflissioni ! A quistioni n’era : comu fà senta a voci di a Corsica, comu fà la rinascia in u mondu stramudernu è supra spicializatu ch’idda cheri a noscia attività maestra, l’igieni ? Ci vulia à sguassà iss’andatura ugnitantu vichjacona di l’usu di u corsu – issa figura frusta è rifrusta di u pastori barbibiancu, pusatu à nantu à un bancu di petra, cù u so biacculu in mani ! Par quista, Stefanu Luciani hà rivistu glubalmenti a so offerta : « avemu vulsuta dà li un fiatu novu, un’aria linda è rock’n roll, è issu cuncettu novu piaci à i nosci clienti, dà una dinamica altra à a noscia impresa ! » Tandu, i campagni com’è u « Pow tamnti affari » pà u magazenu Discount, o u « Ci campemu cù Luciani Distribuzioni » pà a silizzioni spiciali « Camping », mettini a buccarisa è ribombani com’è una prova chì a lingua corsa parla à tutti ! Ancu i menu cursofuni ci trovani di u soiu in st’uchjati pupulari !

À a quistioni cù issu prughjettu “Lingua corsa” pinseti purtà à penacamping55X100 paysage d’uriginalità à u cuncettu d’ecunumia idintitaria? (Posta da u ghjurnalettu In Corsica) Stefanu Luciani rispondi: “sarà sicuramenti uriginali è sinnatu, a vi cuncedu, ma m’inchieta più ch’idd’ùn m’imbuffa, chì u me pinseri hè chì l’affari duventi andiu ».

Share This