A noscia storia

Luciani Distribuzioni, un’idea nuvatrici !

À issa quistioni :  « Qual’semu ? » vi rispundaremu chì no’ semu, prima di tuttu, una famidda chì a si hè arrisicata in a via di l’igieni, in u 1986, sò trent’anni ad avali… L’anni 80, in Corsica, sò quiddi di cambiamenta ecunomichi maiori, in un embiu puliticu è ecunomicu difficiuli. Eppuri s’induvinani unipochi d’uppurtunità. Venini facilitati u importu è u sportu, si faci risenta u sviluppu di i impresi, cù quiddu di u sittori turisticu… I pussibilità ch’iddu porghji issu rinovu, l’hà scelti l’ochju spertu di Lavighju Luciani, chì tandu gistia una sucità di tinta è starzatura:

« L’aghju avvintata ch’iddu ci vulia à avvià si à nantu à u tarrenu di l’igieni, chì ùn ci era guasgi nudda pà iss’attività in Corsica. U bisognu c’era, una vera dumanda da l’impresi. Tandu aghju cambiatu di mistieri è mi sò mossu cù Stefanu, me fiddolu ». Spicializata in prima in a prutizzioni di i piani, Luciani Distribuzioni i s’hè dati i mezi di crescia è mutà, à fiancu à a sucità isulana è i so bisogni.

30 anni dopu…

À rombu di travaddu è di vulintà, Luciani Distribuzioni hè oghji a capimachja di u marcatu di l’igieni in Corsica Suttana. Spicializata in l’igieni prufissiunali è a sicurità di l’utilizatori (panni di travaddu, scarpi di sicurità, etc…) distribuimu prudutti d’igieni prufissiunali, ma micca unicamenti… Mittimu à u vosciu sirviziu una cumpitenza vera. Sò dicini i impresi à essa crisciuti è à avè mutatu à fiancu à no’.

A qualità di i nosci sirvizii, a noscia cunniscenza tecnica, u cunsigliu, l’accolta, u raportu qualità/prezzu, a vicinanza cù i nosci clienti dani fiatu à a noscia impresa.

Forti d’issi cumpitenzi è d’issu sapè fà , rinfurzemu ugni ghjornu a noscia pusizioni à fiancu à l’impresi di pulizia industriali, i cullittività lucali, l’amministrazioni, i municipalità, i mistieri di a saluta, di a risturazioni cullittiva, è dinò una parti maiori di u sittori CUR (Caffè, Ustaria, Risturanti) di a noscia isula

Una vera cumpitenza, à fiancu à vo’ !

Tutti issi sittori ci facini cunfidenza chì sò 30 anni. U mondu di l’igieni hè un embiu cumplessu chì aspetta una maistria tamanta di i prudutti è di u so aprodu, à tempu à una cunniscenza tutali di i so cumpusizioni chimichi. Ùn la pudemu mancu pinsà d’ùn pudè risponda à i vosci attesi, i vosci bisogni, i vosci dumandi.

Vi purghjimu di più chè a cunsumazioni di prudutti d’intrattinimentu ! V’accumpagnemu in i vosci spicialisazioni, cù a rialisazioni, in u nosciu lucali di Mezavia, d’aiuti com’è i piani d’igieni parsunalizati, dopu à a spirtizia di u vosciu situ, ch’iddu si tratti di cucini, laburatorii, stabbilimenti di saluta, impresi di pulizia… o d’ugni locu à chera un’analisi fatta da prufissiunali di l’igieni, chì tinarani contu sempri di i pinseri di u clienti.

Semu attenti à veru à a sinsibilisazioni pà a supracunsumazioni, à u rispettu di i normi, à u piriculu è à l’aprodu spicificu di i prudutti chì no’ distribuimu.

Un magazenu Discount Igieni Sirvizii

Posti à nantu à a strada di Carghjesi (daretu à FunFoot), vi prupunimu una scelta di i miglior’ prudutti à miglior’ prezzu (circa 6000 rifarenzi). Circhemu à porghja vi sempri una qualità di sirviziu è cunsigliu ch’ùn pati rimprovaru… In uttrovi di u 2015, Luciani Distribuzioni avvia a prima marca Discount Igieni prufissiunali di Corsica. A noscia marca DISCOUNT IGIENI SIRVIZIU, sò circa 200 rifarenzi à prezzu minimu :

« l’ughjittivu d’issa marca hè di prupona à i so clienti a qualità, ma senza viutà li u portamuneta ! Hè liata a noscia marca à tutti i sirvizii chì no’ purghjimu à i noscia clienti : u cunsigliu tecnicu di i nosci cumirciali, a rimissa gratisi in tutta a Corsica… » dichjara Stefanu Luciani, dirittori ginirali di u gruppu Casa Luciani.

Feti a visita di u nosciu magazenu in rialità accrisciuta

Giolucalizeti ci

 

Share This