I nosci ingagiamenti

Un ingagiamentu à liveddu umanu :

Luciani Distribuzioni si faci onori di rispittà i so ingagiamenti cù i so clienti. Sapè fà, asattezza, unestità, rispettu è ascoltu veru di i bisogni di i nosci clienti sò i principii fundatori di a noscia impresa.

Pruteghja a noscia Corsica, un duveri :

Ma i nosci impegni sò dinò quiddi di u rispettu di a noscia tarra, di i nosci valori è di u nosciu patrimoniu. A noscia impresa s’impegna à più pudè in a prutizzioni di l’embiu di a noscia isula cusì bedda.

Luciani distribuzioni a créé ce logo Corsica natura afin de s'engager dans des actions de protection écologiqueA criazioni di u marcu « Corsica Natura », in u 2010, insigna a vuluntà di a sucità Luciani Distribuzioni d’avvià si in un’azzioni eculogica. Hè un marcu internu à a impresa chì hè statu sviluppatu da fà viaghjà l’idea – pocu cunsidarata 5 anni fà è chì hà fattu strada da tandu ! – chì l’eculugia a so piazza l’hà in u duminiu di l’igieni. Ci vulia à scaccià iss’idea fatta chì dici chì  « bisogn’à essa riccu par essa eculogicu » ! Di fatti, Luciani Distribuzioni vi pruponi prudutti chì t’ani a siccura di l’embiu senza viutà vi i stacchi .

Par essa chjari : « Corsica Natura » ùn hè un marcu ufficiali da risponda à i reguli strinti di i normi imposti da u statu (com’è Ecolabel o Ecocert). « Corsica Natura » saria piuttostu un marcu chì insigna à i nosci clienti chì i prudutti vindutti viaghjani cù l’idea è a vulintà di a impresa di pruteghja l’embiu.

Par quissa, Luciani Distribuzioni sceddi i prudutti chì attoscani u menu, chì participighjani à a prutizzioni di l’embiu, d’una manera o di l’altra. Cusì, parichji di i nosci prudutti sò pinsati è fatti da riducia a cunsumazioni. A supracunsumazioni hè un casticu chì pianu pianu si rodi u nosciu embiu. Ci primuremu dinò di i prudutti chì t’ani issa particularità di riducia u ghjettu. Issa lutta contru à u suprapiù di rumenzuli chì affoca a noscia Corsica hè d’altrondi d’attualità, hè un puntu di a prutizzioni di l’embiu chì hè un pinseri maiori di a noscia impresa.

Hè un attu simpliciu d’ugni ghjornu chì permetti à tutti di dà si à un’andatura eco-rispunsevuli.

Prudutti innuvativi, ecunomichi è eculogichi

Ind’è Luciani Distribuzioni truvareti, manenti, prudutti ecunomichi è eculogichi, com’è par un dittu, cunsumevuli d’alta cuncintrazioni à sciodda in un bidonu cunsignatu, ma dinò ben’intesa prudutti nurmati Ecolabel, Ecocert o ancu issu marcu internu di u nosciu partinariu fabricanti Eyrein Industrie Eco-reflex.

produitpromerP5

A noscia impresa si hè impignata in l’azzioni “Save the bee / save the tree” (Salveti l’api è l’arburi) prupunindu un righjistru di prudutti chì invitani i clienti à riagì è duvintà attori d’issu salvamentu.

Uparata Save the See

A nuvità maiori d’iss’uparata hè chì a vendita d’issi prudutti participighja, da pocu tempu, à u finanzamentu di a SEABIN. Issu ruminzulaghju guasgi autunumu si surpa i rumenzuli chì gallizighjani, ma ùn hè tuttu : stallendu un filtru à nantu à a pompa à acqua, a Seabin pò ghjuvà dinò à filtrà l’olia, carburanti è ditirghjenti prisenti in acqua !seabin-aspiration-salete-mer

createurs-seabin-avec-poubelle

Andrew et Pete (i criatori) ani invintatu un prutotipu di Seabin chì viaghja d’incantu. U pinseri, hè ch’idd’ùn ani i mezi di fà ni tantu. Hè par quissa ch’iddi t’ani bisognu di no’.
Tandu… sè i nosci silizzioni di prudutti, non solu di nittà cusì bè i vosci piani è spazii, rindiani, fatta fini, a noscia pianetta pulita com’è mai ?
Da culandi à iss’impegnu maestru pà u campà di u nosciu patrimoniu, è ancu più in dà, pà quiddu di a noscia pianetta, Luciani Distribuzioni s’ingagia à participà à u prughjettu di a so isula, in lutta pà a prumuzioni di a so lingua.

Zifrà a Cartula di a Lingua Corsa, più chè un impegnu, una lutta !

1657866-2399972

Luciani Distribuzioni hè a prima PME di l’isula à zifrà a cartula di a Lingua Corsa. Issa cartula ingagia a impresa è una parti maiori di i so impiigati à fà campà a noscia lingua à l’ugni ghjornu. Par quissa, ci hè vulsutu à metta in piazza unipochi di cosi. Signaletichi novi, novu modu di cumunicazioni… I impiigati vuluntarii suvetani tutti una furmazioni di 140 ori à l’annu da appruntà u « Cirtificatu in Lingua Corsa » in fin’ d’annata 2016.

In curti parolli, i nosci ingagiamenti par vo’ si sparghjini in varii duminii. Mittimu tuttu in opara da sudisfà vi è essa in cunfurmità cù a noscia/a voscia filusuffia.

Tutti issi gesti, ci voli u tempu à metta li in piazza : « Spergu un ghjornu d’avè in i me riparti prudutti à 100 % eculogichi, ma par avali hè utupia. Tandu, inveci d’aspittà senza fà nudda, ci tocca à agì è prupona scali di prudutti chì participighjani à l’evuluzioni, à issa nova manera di veda u mondu » rimarca Stefanu Luciani. Pianamenti è bè, Luciani Distribuzioni custruisci l’avvena. Auguremu à veru ch’idda sighi à fiancu à vo’.

Share This