Un piattu in più

page_un piattu in piu

A chjama di u cori

Una casta

oghji, in u 2016, ùn si pò pata di sapè ch’idd’asisitini sempri a fami, a malatia o ancu a miseria ! In Corsica, da più à menu, ugnunu si scontra è cunnosci… tandu, scuntrà una vechja di u paesu in traccia di ribulicà in un ruminzulaghju, u visu intintu di vargugna è d’addisperu, dà da pinsà, cumovi…

Chì fà ? Comu fà riparu ? Comu aiutà ? Comu fà la finita cù a miseria, qual’ch’idda sighi ? Muvindu si…. issu ghjornu, Stefanu Luciani (dirighjenti di Luciani Distribuzioni) hà presu una dicisioni, è micca a più minima ! Ùn cuntintà si d’essa spittatori di u mal’essa di u mondu :

« Vulemu riagì ! Essa à paru à i valori di a noscia isula, quiddi purtati da i nosci anziani, essa sulidarii è dà un pocu di sè. Ùn basta à firmà si stoccu di pettu a quissa a rialità, ùn basta à dì si ch’issa donna ci scurta è viaghjà a so strada, ci voli à rifletta di tal’manera chì a miseria ùn ci venga più à u riscontru ! »

Ben’intesa, ùn pratindimu po’ scaccià tutta a pena di u mondu, ma pudemu quantunca dà ci di manu è arricà a noscia pitrucedda da parà issi castichi.

Un cuncettu, una tradizioni

Un annu fà, a sucità Luciani Distribuzioni hà missu in istrada u prucessu di riattività, criendu l’associu « Un piattu in più ». Issu nomu ci veni dirittamenti da a tradizioni di u piattu di u povaru. Dici quissa chì a noscia tola si devi tena sempri un piattu in più, privistu par unu chì ghjunghjaria à u sumbrettu à l’usciu.

Ind’è “Un Piattu In Più” ugnunu pò pichjà à l’usciu !

Hè simpliciu u principiu : metta à dispusizioni u sapè fà, a dispunibilità d’ugnunu par aiutà i più spruvisti. « Un piattu in più hè di fatti un urganismu d’arricolta chì permetti à varii associ d’accoda solda, o robba in più cù l’impegnu d’unipochi di braccia.

bandeausite_un piattuinpiu

Share This