Igieni

bandeau hygieneL’igieni, l’aria di a noscia impresa

Sans titre-1Distributori indipindenti di prudutti, sistemi è matiriali d’igieni è d’intrattinimentu pà i Cullittività, l’Ustaria è Risturazioni, i impresi di pulizia, l’industria, vi prupunimu un’offerta cumpletta di prudutti è sirvizii supr’à misura, adatti à a voscia spicificità è à a struttura di u vosciu stabbilimentu.

Membri di l’agruppamentu Equipage, pruvemu à silizziunà i nosci prudutti cù un’attinzioni maiori è à u miglior’prezzu. Cuntemu ad oghji più di 4000 rifarenzi in u sittori di l’igieni, l’intrattinimentu, a prutizzioni, a drugaria, u schjarimentu… in ciò chì tocca à i silizzioni distribuiti, a qualità ci ferma da priurità maestra, puri prupunindu vi suluzioni ecunomichi è nuvativi.

U marcatu di l’igieni ind’è Luciani distribuzioni hè pricisu è cumplettu. Truvareti silizzioni spicifichi com’è l’igieni di i cucini, di i panni, di i spazii piani, di i sanitarii o ancu prudutti d’igieni di a parsona, midicali o spicifica à l’industria. Di chì sudisfà ugni bisognu vosciu è prufittà d’un sirviziu cumpitenti è senza rimprovaru.

modele_Carton correspondance

U nosciu solu ughjittivu : dà vi sudisfazzioni!

 

Più chè un simpliciu distibutori, Luciani Distribuzioni hè dinò urganismu furmatori. Cù u nomu di Luciani Serviziu vi purghjimu a noscia cumpitenza in fatti d’aprodu, di gesti à fà o di prutucoli à rispittà pà i prudutti chì no’ vindimu

 

Luciani Serviziu: furmatori di cunfidenza

luciani serviziu copiePinsirosu di pravena i risichi prufissiunali in u duminiu di a saluta è di l’igieni à u travaddu, u codici di u travaddu veni à struttura incù minuzia i reguli. In un’andatura sanitaria, l’impresi sò suttimissi à ublicazioni d’intrattinimentu è pulizia : semu quì par aiutà vi à avvià issi prutucoli.

Par quissa, vi prupunimu un accumpagnamentu cumplettu in a voscia dimarchja di qualità : in u mezu di a risturazioni cullittiva è/o prufissiunali, l’ustarii, i campi di vacanzi, in u duminiu publicu (scagni, mirrii, ciucciaghji, spidala…) Luciani serviziu vi porghji una manata di mezi da pudè vi guaranzì igieni è sicurità di prima trinca.preview

  • Diagnosticu capunanzi è spirtizia di i vosci bisogna : Analisi di i bisogna in funzioni di u matiriali in piazza, di l’urganisazioni, di i vosci attesi è custretti interni. A noscia dimarchja s’arremba à a voscia cultura di a impresa, à parta si d’un ascoltu veru è d’un diagnosticu-cunsigliu.
  • Igienoscupia cumpletta di u vosciu situ:Difinimu i punti critichi è mittimu in piazza un pianu di pulizia è disinfizzioni adattu.
  • Fisci tecnichi: missa à dispusizioni di stuvidduli spicifichi d’infurmazioni par un aprodu ottimu di i nosci prudutti. Fisci tecnichi missi à ghjornu rigularmenti.
  • Furmazioni à i metudi d’igieni: Missa in piazza di prudutti, matiriala, pruciduri è metudi di pulizia liati à l’attesi rigulamintarii è à u diagnosticu finali. Furmazioni di u parsunali à l’igieni, à a sicurità, à l’aprodu di i nosci prudutti da prufissiunali qualificati.
  • Uttimisazioni di i costi: Calculu di i costi d’utilisazioni pà a maistria di u vosciu bugettu da uttena i risultati privisti.
  • Accumpagnamentu è seguitu: Accumpagnamentu, cunsigli è seguitu parsunalizati: visiti rigulari, raporti di sirviziu, missa à ghjornu di i pruciduri, intarventi varii…

I nosci duminii di furmazioni in u sittori di l’igieni:

Entretien-ponceuse-preview-7166793I nosci furmazioni toccani unicamenti à i prufissiunali. Varii moduli liati à i mistieri di l’igieni sò pruposti, cù sissioni à tempu curtu, chì currispondini à un almanaccu annincu o à una prugramazioni particularia, sicondu i vosci bisogna o a voscia dispunibilità

Luciani Serviziu urganizighja dinò furmazioni supr’à misura : ughjittivi, cuntinutu è tempu sò adatti à l’attesi di i impresi è cullittività.


Parichji scelti vi sò pruposti:

  • Igieni alimintaria, pacchettu igieni è HACCP

  • Igieni ginirali : a manera a più bedda di pulì, pà una più bedda igieni di i piani è stesi.

  • Igieni in l’embii midicalizati : u metudu di pulizia cù sitturisazioni da ammaistrà a disinfizzioni

  • Igieni è sistemi di pulizia: Una scelta parsunalizata adatta à i vosci bisogna è à l’aprodu di varii stuvidduli, miccanizati o micca. Pulizia, disinfizzioni, intrattinimentu di i piani, intrattinimentu miccanizatu. Da sapè ni di più criccheti quì.

Share This